[#Vigo] O PARTIDO COMUNISTA CHAMA AS TRABALLADORAS DE BOSCH Á FOLGA DE 24 HORAS QUE TERÁ LUGAR MAÑÁ 27 DE MARZO

O Partido Comunista de Galicia apoia a folga convocada polo comité de empresa de Bosch para mañá mércores 27 para rexeitar o ERTE que afectará aproximadamente a 800 traballadoras das súas oficinas en Vigo.

Así mesmo, facemos un chamamento ás traballadoras e traballadores a secundala e acudir ás concentracións organizadas ás 11:30 na sede de Avenida de Madrid nº 183 e ás 13:15 na rúa María de Berdiales, nº 20.

Esiximos a empresa que paralice o ERTE e a deslocalización de 500 postos de traballos a Portugal, así como cesar o empeoramento das condicións laborais que se están experimentando nos últimos anos.